MITING KENSAN DO RCA, BIL.01/2009

Matunggong, 23 Disember, 2009 (adau kotolu)

Sid miting kensan dit Umpug Mangahatul do Koisaan Koubasan do Rungus, Sabah (RCA), minangahatul ogi dit ongo Jawatankuasa Kerja (Umpug Gumama). Varo't 4 ot Umpug Gumama do nopiupakatan di Jawatankuasa, ino-no:-

1. Jawatankuasa Penambahan Ahli

2. Jawatankuasa Kursus/Bengkel

3. Jawatankuasa Piawaian Bahasa Rungus

4. Jawatankuasa Tradisi & Budaya

Tanid mantad ko ino, miniupakat-po kanangan ko i sumodia di Mesyuarat Agung Kensan, ino-no sid vulan kotolu, 2010, sumuhut di nahatul sid Undang-Undang do Koisaan diti. Hiza di Mesyuarat Agung kensan dino nga nopiupakatan-no do palancar diti Koisaan. It adau dino amu- po natatap. Ong katalib-po ino Pelancaran, potimpuun -no dot aktiviti.

Tanid mantad ko aktiviti sontoun, i Jawatankuasa nokopiupakat dot atag ong varo retan do rancangan do gamaon sid saralom dot akopiro toun. I rancangan dino nginaranan do; Rancangan RCA 1(2010-2015). Ong aso gama do iadino, aso pongimatan tokou do songkuro no rontob o nougal-ugal di Jawatankuasa sid saralom di timpu dino.

[ Pengkakat antad gibang-vanan: Jaitin Bom, Ekarnea Uri & Tony Flash]

[Mogomogom antad G-V: Asandul Mozihim, Porodong Magilin, Jornah Mozihim, Johnny Kololong Sokuroh & Steven Daang]

Aso sinod gambal: Maria Mandarusun, Supirid Masandu, Patrick Majatig, Ronnie L. Onginjan & i Asangkul Mosuri.

Pongintahanan:

Ino pakazan sinod gambal dino okonko it original. Baiko ino badu, pinakol om sigal dino ot ori. Inot panampakai dinot ongokusai do pinakol dino nga amu nokonong ong otopot-no, nga okonko tinomod. Varo nokovit do pinakol om varo ot amu nokovit. Manjadi, minokiikid nopo, torisaan-po nga kakali dot amu nokosikid.