Bahagi do poingilaan dit ongo ahli, it umpug mangahatul do RCA nakapangatod do surat sid Kementerian Penerangan, Komunikasi & Kebudayaan kananganko papavaro do Kudat FM supaya it ongoulun tokou ponong sid Utara Sabah varo saluran siaran kondiri do vaza pazazad do habal "semasa" dot alangkas om atapat.
Sid pentongkop do Sabah didino, varo-no Sandakan FM, Tawau FM, Sabah V FM ( RTM Kota Kinabalu) on kavavagu, nokotimpuun di 1 Januari, 2009, ino-no Keningau FM (ponong sid todtol do Sabah). Harati, baiko sid Utara Sabah-po ot aso liputan/siaran dau kondiri.
Humarap dot varo sokongan antad sid bansa tokou Rungus supaya ologod banal i dolou tokou do mongindamo dino.
Sid permohonan dino, varo cadangan do sebagai Plan B. Ong kokiraai-no nga amu adapat do Kerajaan potimpuun o Kudat FM tu memang amahal o kos dau, minindamo i Jawatankuasa do slot bahasa Rungus silod Sabah V FM. Didino, it ngo gingis do bahasa di varo silod Sabah V FM ino-no; kina, Inggeris, Kadazan, Dusun, Bajau om Murut. Baiko boros-po do Rungus ot aso. Memang noiduanan tokou.
Tongobpinai, miiso tokou supaya ologod i dolou tokou mindamo, okonko bahagi ditokou kondiri, tapi bahagi di bansa ditokou. Ong okonko itokou, isai-po o munggalak bahagi diti bansa tokou.
2 comments:
Tahniah (amu elaan boros rungus) kumaa di Puan Presiden. Mad kiti no kenginan ulun tokou tu varo gama poposurut di bansa tokou.
BANAL MINOI PINSAN... boroson sid wakil rakyat di tokou bo dot patod memorendum si jabatan penerangan negeri sabah.
Post a Comment